news

പുഴയോര സംരക്ഷണ സമിതി പ്രക്ഷോഭത്തിലേക്ക്.

6 Dec , 2017  

പാലാ: പുഴയോര സംരക്ഷണത്ത സമിതി മനുഷ്യചങ്ങല തീർത്ത് പ്രക്ഷോഭത്തിലേക്ക്.  മനുഷ്യാവകാശ ദിനമായ ഡിസംബർ 10 ന് രാവിലെ 10നാണ് കിടങ്ങൂർ സൗത്ത് പാലത്തിനു സമീപം മനുഷ്യചങ്ങല തീർക്കുന്നത്.  ഈ ഭൂപ്രദേശത്ത് നടക്കുന്ന  നടക്കുന്ന അനധികൃത ഇഷ്ടിക ചെളി ഖനനത്തിനും മണൽ ഊറ്റിനുമെതിരെ കഴിഞ്ഞ മൂന്നു പതിറ്റാണ്ടുകളായി നടത്തി വരുന്ന നിയമ പോരാട്ടങ്ങളുടെയും പ്രക്ഷോഭങ്ങളുടെയും തുടർച്ചയാണ് മനുഷ്യച്ചങ്ങല.  ചെളി ഖനനം മൂലം സമീപ പ്രദേശങ്ങളായ കിടങ്ങൂർ പഞ്ചായത്ത് പന്ത്രണ്ടാം വാർഡ്, അയർക്കുന്നം പഞ്ചായത്ത് രണ്ടാം വാർഡ് എന്നിവിടങ്ങളിൽ കുടിവെള്ള ക്ഷാമം  രൂക്ഷമായി.പാടശേഖരങ്ങളിൽ കൃഷി നടത്താനാവാത്ത അവസ്ഥയായി. എം എൽ എ മാർ , ത്രിതല പഞ്ചായത്തു മെമ്പർമാർ, സാംസ്കാരിക നായകന്മാർ തുടങ്ങിയവർ മനുഷ്യചങ്ങലയിൽ കണ്ണികളാവും.  വാർത്താ സമ്മേളനത്തിൽ സമിതി രക്ഷാധികാരികളായ ഡോ. രാമചന്ദ്രൻ നായർ, പി.രാധാകൃഷ്ണക്കുറുപ്പ്, വേലായുധൻ നായർ വടക്കേനകത്ത്, ഒ.ജി.ചന്ദ്രശേഖരൻ നായർ, ഗോപാലകൃഷ്ണൻ പേരൂർ എന്നിവർ പങ്കെടുത്തു.


Comments are closed.