news

പ്രൊഫ. സെലിന്‍ റോയി തകടിയേല്‍ പാലാ നഗരസഭ ചെയര്‍പേഴ്‌സണ്‍

6 Dec , 2017  

പാലാ: പാലാ നഗരസഭയുടെ പതിനഞ്ചാമത് ചെയര്‍പേഴ്‌സണായി കേരളാ കോണ്‍ഗ്രസ് എമ്മിലെ പ്രൊഫ. സെലിന്‍ റോയി തകടിയേലിനെ തിരഞ്ഞെടുത്തു. 19 വോട്ടുകളാണ് സെലിന്‍ റോയിക്ക് ലഭിച്ചത്. എതിര്‍സ്ഥാനാര്‍ത്ഥി ജിജി ജോണിക്ക് 5 വോട്ടുകളാണ് ലഭിച്ചത്. ആരോഗ്യപരമായ കാരണങ്ങളാല്‍ കോണ്‍ഗ്രസ് പ്രതിനിധിയായ ലിസ്യു ജോസ് ഹാജരായില്ല. ബിജെപി അംഗം അഡ്വ. ബിനു പുളിക്കക്കണ്ടം കൗണ്‍സിലില്‍ ഹാജരായെങ്കിലും തിരഞ്ഞെടുപ്പില്‍ നിന്ന് വിട്ടുനിന്നു. പാലാ ഡിഇഒ സി.എല്‍ തങ്കച്ചന്‍ വരണാധികാരിയായിരുന്നു. തിരഞ്ഞെടുപ്പിന് ശേഷം പ്രൊഫ. സെലിന്‍ റോയി വരണാധികാരി മുമ്പാകെ സത്യപ്രതിജ്ഞ ചെയ്ത് അധികാരമേറ്റു. പാലാ നഗരസഭ പതിനേഴാം വാര്‍ഡ് കൗണ്‍സിലറായ പ്രൊഫ.സെലിന്‍ റോയി അരുവിത്തുറ സെന്റ് ജോര്‍ജ്ജ് കോളേജിലെ രസതന്ത്ര വിഭാഗം അദ്ധ്യാപികയായിരുന്നു. കഴിഞ്ഞവര്‍ഷമാണ് വിരമിച്ചത്.


Comments are closed.