news

ഉഴവൂര്‍ വിജയന്റെ ചിരിയോര്‍മ്മകളില്‍ പാലാ കണ്ണീരണിഞ്ഞു

17 Sep , 2017  

 

പാലാ: ഉഴവൂര്‍ വിജയന്റെ ചിരിയോര്‍മ്മകള്‍ പങ്കുവയ്ക്കാനാണ് ഒത്തു ചേര്‍ന്നതെങ്കിലും സത്യത്തില്‍ കണ്ണീരണിയുയായിരുന്നു അദ്ദേഹത്തിന്റെ ആദ്യകാല രാഷ്ട്രീയ തട്ടകമായ പാലാ. വിജയന്റെ നര്‍മ്മ പ്രഭാഷണങ്ങള്‍ പരസ്പരം പങ്കിട്ടപ്പോള്‍ അത് മിക്കവരുടെയും മനസില്‍ നൊമ്പരമായി. ആ നൊമ്പരം സദസ്സിനും വേദനയായി മാറി. ‘വിജയേട്ടന്റെ ചിരിയോര്‍മ്മകള്‍’ എന്ന ചടങ്ങായിരുന്നു രാഷ്ട്രീയ സാമൂഹ്യ രംഗത്തെ പ്രമുഖര്‍ക്കടക്കം നൊമ്പരമായി മാറിയത്. കെ.എം.മാണി എം.എല്‍.എ. ചടങ്ങ് ഉദ്ഘാടനം ചെയ്തു. മരങ്ങാട്ടുപള്ളി പഞ്ചായത്തുകാരായ താനും വിജയനും വ്യത്യസ്ത പാര്‍ട്ടികളില്‍ പ്രവര്‍ത്തിച്ചു പരസ്പരം പോരാടി പ്രവര്‍ത്തിച്ചവരാണെന്ന് അദ്ദേഹം അനുസ്മരിച്ചു. വിജയന്റെ ഹാസ്യ രസത്തില്‍ ചാലിച്ച പ്രസംഗ ശൈലി കേരള ജനത നെഞ്ചിലേറ്റി. ഫലിതത്തിലൂടെ കടന്നാക്രമിക്കുന്ന ഈ ശൈലിയില്‍ ഏറ്റവും കൂടുതല്‍ ആക്രമിക്കപ്പെട്ടത് താനായിരുന്നുവെന്ന് മാണി ചൂണ്ടിക്കാട്ടി. ദുരുദ്ദേശപരമോ വിരോധത്തിലോ ഉള്ള പ്രസംഗമായിരുന്നില്ല വിജയന്റെ പ്രസംഗങ്ങള്‍. വിമര്‍ശനാന്മകമായ ഈ പ്രസംഗങ്ങള്‍ പലപ്പോഴും തന്നെ ചിരിപ്പിച്ചിട്ടുണ്ട്. ആത്മാര്‍ത്ഥതയും സാമൂഹ്യ പ്രതിബന്ധതയും വിജയന്റെ മുഖമുദ്രയായിരുന്നുവെന്ന് കെ.എം.മാണി ചൂണ്ടിക്കാട്ടി. തനിക്കെതിരെയും വിജയന്‍ എരുവും പുളിയും ചേര്‍ത്ത രാഷ്ടീയ നര്‍മ്മ പ്രസംഗങ്ങള്‍ നടത്തിയിട്ടുണ്ടെന്നു ചടങ്ങില്‍ പങ്കെടുത്ത ജോസ് കെ.മാണി എം.പി. പറഞ്ഞു. ചിരി സമ്മാനിക്കാന്‍ നല്ല മനസുള്ളവര്‍ക്കേ സാധിക്കുകയുള്ളൂവെന്നും ജോസ് കെ. മാണി ചൂണ്ടിക്കാട്ടി. ചെറുപ്പകാലത്ത് കെ.എസ്.യു. പ്രവര്‍ത്തകരായിരുന്ന കാലത്തെ ഓര്‍മ്മകളാണ് ആന്റോ ആന്റണി എം.പി. പങ്കുവച്ചത്. 64 മണിക്കൂര്‍ പച്ചവെള്ളംപോലും കുടിക്കാതെ വിജയനൊപ്പം നിരാഹാര സമരം ചെയ്ത കാര്യങ്ങള്‍ അദ്ദേഹം വിശദീകരിച്ചു. ഉഴവൂര്‍ വിജയന് പാലായില്‍ സ്മാരകം നിര്‍മ്മിക്കണമെന്ന് അദ്ദേഹം ആവശ്യപ്പെട്ടു. കെ.എം. മാണിയോട് തെരഞ്ഞെടുപ്പില്‍ പാരാജയപ്പെട്ടപ്പോള്‍ തോറ്റതിനെക്കുറിച്ചു ഉഴവൂര്‍ വിജയന്‍ പ്രതികരിച്ചത് ബെന്‍സിടിച്ചാണ് മരിച്ചതെന്ന വാചകത്തെ ആസ്പദമാക്കി പ്രസന്നന്‍ ആനിക്കാട് വരച്ച കാര്‍ട്ടൂണിന്റെ പകര്‍പ്പ് സംഘാടക സമിതി സെക്രട്ടറി എബി ജെ.ജോസ് കെ.എം.മാണിക്ക് സമ്മാനിച്ചു. ചടങ്ങില്‍ പാലാ മുനിസിപ്പല്‍ ചെയര്‍പേഴ്‌സണ്‍ ലീനാ സണ്ണി അധ്യക്ഷത വഹിച്ചു. ജോയി എബ്രാഹം എം.പി., കെ.ഫ്രാന്‍സീസ് ജോര്‍ജ്, ടോമി കല്ലാനി, ഫാ. ജോസഫ് ആലഞ്ചേരി, കെ.ആര്‍. അരവിന്ദാക്ഷന്‍, ബെന്നി മൈലാടൂര്‍, എന്‍.ഹരി, വക്കച്ചന്‍ മറ്റത്തില്‍, വി.ജി.വിജയകുമാര്‍, സണ്ണി തോമസ്, സി.പി.ചന്ദ്രന്‍ നായര്‍, കുര്യാക്കോസ് പടവന്‍, എം.ടി.കുര്യന്‍, ടോമി കുറ്റിയാങ്കല്‍, സുഭാഷ് പുഞ്ചക്കോട്ടില്‍, ജോസ് ആന്റണി, അഡ്വ. ആര്‍. മനോജ്, അഡ്വ. സണ്ണി ഡേവിഡ്, സണ്ണി തോമസ്, എ.കെ.ചന്ദ്രമോഹന്‍, ടോണി തോട്ടം, ബിജി മണ്ഡപം, റാണി സാംജി എന്നിവര്‍ പ്രസംഗിച്ചു.

news

നവീകരിച്ച ടൗണ്‍ഹാള്‍ തുറന്നു.

30 Aug , 2017  


പാലാ: നവീകരിച്ച ടൗണ്‍ഹാളിന്റെ ഉദ്ഘാടനം കെ.എം.മാണി എംഎല്‍എ നിര്‍വ്വഹിച്ചു.ജോയി എബ്രാഹം എംപി അദ്ധ്യക്ഷത വഹിച്ചു. ചെയര്‍പേഴ്‌സണ്‍ ലീനാ സണ്ണി, വൈസ് തെയര്‍മാന്‍ കുര്യാക്കോസ് പടവന്‍, അഡ്വ. എ.സി.ജോസഫ്, കൊച്ചുറാണി എഫ്രേം, പി.കെ. മധു, ഷെറിന്‍ തോമസ് പ്രോഫ. സതീഷ് ചൊള്ളാനി, സുഷമ രഘു, ഫിലിപ്പ് കുഴികുളം എന്നിവര്‍ പ്രസംഗിച്ചു.

news

യൂണിവേഴ്‌സിറ്റി യൂണിയന്‍ തെരഞ്ഞെടുപ്പ്

24 Aug , 2017  


പാലാ: സെന്റ് തോമസ് കോളജ് യൂണിയന്‍ ഭാരവാഹികളായി അശ്വിന്‍ പോള്‍-ചെയര്‍മാന്‍, കെ.എസ്. റസിയ- വൈസ് ചെയര്‍പേഴ്‌സണ്‍, ജിന്‍സ് ജേക്കബ് ജനറല്‍ സെക്രട്ടറി, വി.ജി.അമല്‍ജിത്ത്, അതുല്‍ ഡോമിനിക്ക്-കൗണ്‍സിലര്‍മാര്‍, സുബിന്‍ മാത്യു- മാഗസിന്‍ എഡിറ്റര്‍, ബി.ബ്രഹ്മനാഥ്- ആര്‍ട്‌സ് ക്ലബ്ബ് സെക്രട്ടറി എന്നിവര്‍ തെരഞ്ഞെടുക്കപ്പെട്ടു.

news

തപാൽ ജീവനക്കാർ പണിമുടക്കി

24 Aug , 2017  

പാലാ: വിവിധ ആവശ്യങ്ങള്‍ ഉന്നയിച്ച്‌ എന്‍എഫ്പിഇ യുടെ നേതൃത്വത്തില്‍ തപാല്‍ ജീവനക്കാര്‍ പണിമുടക്കി ടൗണില്‍ പ്രകടനം നടത്തി. ജിഡിഎസ് ജീവനക്കാരെ സര്‍വ്വീസ് ആയി പരിഗണിക്കൂക, കമലേഷ് ചന്ദ്ര കമ്മറ്റിയുടെ അനുകൂല ശുപാര്‍ശകള്‍ നടപ്പിലാക്കുക, ഒഴിഞ്ഞുകിടക്കുന്ന മുഴുവന്‍ തസ്തികകളിലും നിയമനം നടത്തുക, സ്വകാര്യവല്‍ക്കരണവും കരാര്‍ വല്‍ക്കരണവും നിര്‍ത്തുക.പങ്കാളിത്ത പെന്‍ഷന്‍ പിന്‍വലിക്കുക തുടങ്ങിയ ആവശ്യങ്ങളുന്നയിച്ചാണ് പണിമുടക്ക് നടത്തിയത്. പ്രകടനത്തിന് കെ.എസ്.രാജേഷ്, അപര്‍ണ ഗോപന്‍, പി.ജെ.ജോര്‍ജുകുട്ടി, കെ.എസ്.ശ്യാലിനി, സി.കെ.ഷാജി, കെ.സുരേഷ് ബാബു, സ്മിതാ സെബാസ്റ്റിയന്‍ എന്നിവര്‍ നേതൃത്വം നല്കി.

news

ഹര്‍ത്താല്‍ പൂര്‍ണ്ണം

30 Jul , 2017  

പാലാ: ബിജെപി സംസ്ഥാന വ്യാപകമായി ആഹ്വാനം ചെയ്തിരുന്ന ഹര്‍ത്താല്‍ പാലായില്‍ പൂര്‍ണ്ണവും സമാധാനപരവുമായിരുന്നു. കടകമ്പോളങ്ങള്‍ അടഞ്ഞു കിടന്നു. ഇരുചക്രവാഹനങ്ങളും ചുരുക്കം ചില സ്വകാര്യ വാഹനങ്ങളും നിരത്തിലിറങ്ങി. കെഎസ്ആര്‍ടിസി സര്‍വ്വീസ് നടത്തിയില്ല.

news

വിശുദ്ധ അല്‍ഫോന്‍സാമ്മയുടെ തിരുന്നാള്‍ ഭക്തിനിര്‍ഭരമായി ആഘോഷിച്ചു.

28 Jul , 2017   Video

ഭരണങ്ങാനം: അല്‍ഫോന്‍സാ തീര്‍ത്ഥാടനകേന്ദ്രത്തില്‍ വിശുദ്ധ അല്‍ഫോന്‍സാമ്മയുടെ തിരുന്നാള്‍ ഭക്തിനിര്‍ഭരമായി ആഘോഷിച്ചു. പ്രധാനതിരുന്നാള്‍ ദിനമായ വെള്ളിയാഴ്ച പുലര്‍ച്ച മുതല്‍ ഭരണങ്ങാനത്ത് വന്‍ ഭക്തജനത്തിരക്കാണനുഭവപ്പെട്ടത്. രാവിലെ തീര്‍ത്ഥാടനകേന്ദ്രത്തില്‍ നേര്‍ച്ചയ്യപ്പം വെഞ്ചരിപ്പ് നടന്നു. തുടര്‍ന്ന് പാലാ രൂപതാ മുന്‍മെത്രാന്‍ മാര്‍ ജോസഫ് പള്ളിക്കാപ്പറമ്പില്‍ വി.കുര്‍ബാനയര്‍പ്പിച്ച് സന്ദേശം നല്കി. 10ന് ഇടവകദേവാലയത്തില്‍ പാലാ രൂപതാ മെത്രാന്‍ മാര്‍ ജോസഫ് കല്ലറങ്ങാട്ട് ആഘോഷമായ തിരുന്നാള്‍ റാസയര്‍പ്പിച്ച് സന്ദേശം നല്കി. റവ. ഫാ സെബാസ്റ്റ്യന്‍ കൊല്ലംപറമ്പില്‍, ഫാ.ജോര്‍ജ്ജ് അമ്പഴത്തുങ്കല്‍ എന്നിവര്‍ സഹകാര്‍മ്മികരായിരുന്നു. തുടര്‍ന്ന് നടന്ന ആഘോഷമായ ജപമാല പ്രദക്ഷിണത്തില്‍ ആയിരക്കണക്കിന് ഭക്തജനങ്ങള്‍ പങ്കെടുത്തു.ഫാ.തോമസ് ഓലിക്കല്‍, ഫാ.സ്‌കറിയ വേകത്താനം, ഫാ. അലക്‌സാണ്ടര്‍ പൈകട എന്നിവര്‍ പ്രദക്ഷിണത്തിന് നേതൃത്വം നല്കി.

news

ഭരണങ്ങാനത്തേക്ക് ഭക്തജനപ്രവാഹം

27 Jul , 2017   Video

ഭരണങ്ങാനത്തേക്ക് ഭക്തജനപ്രവാഹം

news

ഉഴവൂര്‍ വിജയന്‍ അന്തരിച്ചു.

23 Jul , 2017  


പാലാ: എന്‍സിപി സംസ്ഥാന അധ്യക്ഷന്‍ ഉഴവൂര്‍ വിജയന്‍(60) അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. കരള്‍ സംബന്ധമായ അസുഖങ്ങളെ തുടര്‍ന്ന് ഒരാഴ്ചയായി ചികിത്സയിലായിരുന്നു. സംസ്‌കാരം തിങ്കളാഴ്ച ഉഴവൂരിലെ വീട്ടുവളപ്പില്‍. നര്‍മ്മം കലര്‍ന്ന പ്രസംഗരീതിയിലൂടെ ജനങ്ങളെ കൈയ്യിലെടുക്കാനുള്ള കഴിവ് അദ്ദേഹത്തെ ശ്രദ്ധേയനാക്കി.

news

സംസ്ഥാന സ്‌കൂള്‍ കായികമേള പാലായില്‍.

21 Jul , 2017  


പാലാ: സംസ്ഥാന സ്‌കൂള്‍ കായികമേള ഒക്ടോബര്‍ 13 മുതല്‍ 16 വരെ പാലാ മുനിസിപ്പല്‍ സ്റ്റേഡിയത്തില്‍  നടത്താന്‍ തീരുമാനമായി. 25 വര്‍ഷത്തിനു ശേഷമാണ് പാലാ സംസ്ഥാനകായികമേളയെ വരവേല്‍ക്കാനൊരുങ്ങുന്നത്. സ്റ്റേഡിയത്തില്‍ പരിശോധന നടത്തിയ വിദഗ്ദ സമിതി സംസ്ഥാനത്തെ ഏറ്റവും മികച്ച ട്രാക്കായി പാലായെ തെരഞ്ഞെടുത്തിരുന്നു. എല്ലാ മത്സരങ്ങളും ഒരു സ്റ്റേഡിയത്തില്‍ നടത്താമെന്നതും പാലാക്കു നേട്ടമായി. ടോയ്‌ലറ്റ് ഉള്‍പ്പടെ സ്റ്റേഡിയത്തില്‍ ഒരുക്കേണ്ട അടിസ്ഥാന സൗകര്യങ്ങള്‍ ഉടനടി ഒരുക്കാമെന്ന് പാലാ നഗരസഭ വിദ്യാഭ്യാസവകുപ്പിന് ഉറപ്പിനെ തുടര്‍ന്നാണ് നടപടി. പാലാ അന്താരാഷ്ട്ര സ്റ്റേഡിയം നിര്‍മ്മാണം പൂര്‍ത്തിയായി വരുന്നതേയുള്ളൂ. ഇപ്പോള്‍ നാഷണല്‍ ഗെയിംസ് അധികൃതര്‍ക്കാണ് നിര്‍മ്മാണാണച്ചുമതല. ഇത് നഗരസഭയ്ക്ക് വിട്ടുകിട്ടിയ ശേഷം മാത്രമെ ഇവിടെ സ്‌കൂള്‍ കായികമേള നടത്താന്‍ കഴിയൂ. പണി പൂര്‍ത്തിയാക്കി എത്രയും വേഗം സ്റ്റേഡിയം കൈമാറാമെന്ന് നാഷണല്‍ ഗെയിംസ് അധികൃതര്‍ അറിയിച്ചിട്ടുണ്ട്.

 

 

news

മഹാകവി പാലാ പുരസ്‌കാരം സക്കറിയക്ക്

21 Jul , 2017  

പാലാ: മഹാകവി പാലാ പുരസ്‌കാരം പ്രശസ്ത കഥാകൃത്ത് സക്കറിയക്ക്. 25ന് വൈകിട്ട് മൂന്നിന് കിഴതടിയൂര്‍ സര്‍വ്വീസ് സഹകരണബാങ്ക് ഓഡിറ്റോറിയത്തില്‍ ചേരുന്ന സമ്മേളനത്തില്‍ ബാങ്ക് പ്രസിഡന്റ് ജോര്‍ജ്ജ് സി.കാപ്പന്‍ പുരസ്‌കാരം സമ്മാനിക്കും. എം.എസ് ശശിധരന്‍ അധ്യക്ഷത വഹിക്കുന്ന സമ്മേളനത്തില്‍ രവി പുലിയന്നൂര്‍, പ്രൊഫ. സി.ആര്‍. ഓമനക്കൂട്ടന്‍, രവി പാലാ, പ്രൊഫ. മാത്യു പ്രാല്‍, അഡ്വ.തോമസ് വി.റ്റി., ചാക്കോ സി.പൊരിയത്ത്, ആര്‍.എസ്.മണി. എന്നിവര്‍ പ്രസംഗിക്കും. ഐക്യകേരളം രൂപപ്പെടുന്നതിന് മുന്‍പുതന്നെ കേരളത്തെക്കുറിച്ച് പാടി നാടിന്റെ അഭിമാനമായിത്തീര്‍ന്ന പാലാ നാരായണന്‍ നായരുടെ സ്മരണ നിലനിര്‍ത്തുന്നതിനായി പാലാ കിഴതടിയൂര്‍ ബാങ്ക് ഏര്‍പ്പെടുത്തിയിരിക്കുന്നതാണ് അവാര്‍ഡ്. മുന്‍ വര്‍ഷങ്ങളില്‍ ഡോ. പുതുശ്ശേരി രാമചന്ദ്രന്‍, ചെമ്മനം ചാക്കോ എന്നിവരായിരുന്നു അവാര്‍ഡ് ജേതാക്കള്‍.