നൂറ്റാണ്ടുകളായി വിദ്യാഭ്യാസ മേഖലയിൽ പ്രവർത്തിക്കുന്ന സി.എം.ഐ സന്ന്യാസ സമൂഹത്തിലെ വൈദികരുടെ നിയന്ത്രണത്തിലുള്ള ചാവറ എജ്യൂക്കേഷണൽ ആൻ്റ് ചാരിറ്റബിൾ ട്രസ്റ്റിൻ്റെ കീഴിലാണ് ചാവറ പബ്ളിക് സ്കൂൾ പ്രവർത്തിച്ചു വരുന്നത്.
പ്രവിശ്യ വിദ്യാഭ്യാസ കൗൺസിലർ ഫാ. ജോർജ് ഇടയാടിയിൽ, ഫാ. ജെയിംസ് നീണ്ടുശ്ശേരി തുടങ്ങിയവരുടെ നേതൃത്വത്തിൽ സെന്റ് വിൻസെന്റ് സ്കൂൾ പ്രിൻസിപ്പൽ ആയിരുന്ന ഫാ. സെബാസ്റ്റ്യൻ ഇലഞ്ഞിക്കൽ ആയിരുന്നു സ്കൂളിൻ്റെ സ്ഥാപനത്തിൽ മുഖ്യപങ്ക് വഹിച്ചത്. ചെയർമാനും ആദ്യ മാനേജരും ഫാ അലോഷ്യസ് പുതിയപറമ്പിൽ ആയിരുന്നു. ആദ്യ അധ്യയന വർഷം 1998 ജൂണിൽ ഉദ്ഘാടനം ചെയ്യപ്പെടുകയും പ്രിൻസിപ്പലായി ഫാ.സെബാസ്റ്റ്യൻ ഇലഞ്ഞിക്കൽ ചുമതലയേൽക്കുകയും ചെയ്തു.
ഫാ. സാജൻ തെക്കേമറ്റപ്പള്ളിൽ, ഫാ. ഇമ്മനുവേൽ പഴയപുര, ബോബി, ഫാ. മാത്യു കരീത്തറ, എന്നിവർ വിവിധ കാലഘട്ടങ്ങളിൽ പ്രിൻസിപ്പന്മാരായിരുന്നു. ഇപ്പോൾ പ്രിൻസിപ്പൽ ഫാ. സാബു കൂടപ്പാട്ടിൻ്റെ നേതൃത്വത്തിൽ
ഫാ. ബാസ്റ്റിൻ മംഗലത്തിൽ വൈസ് പ്രിൻസിപ്പൽ ആയും ഫാ. ജോസക്കുട്ടി പടിഞ്ഞാറേപ്പീടിക മാനേജർ ആയും ആണ് സ്കൂൾ പ്രവർത്തിക്കുന്നത്.
50ൽ താഴെ കുട്ടികളും 4 അധ്യാപകരുമായി പ്രവർത്തനം ആരംഭിച്ച സ്കൂളിൽ ഇന്ന് 4000 കുട്ടികളും അധ്യാപകരും അനധ്യാപകരുമായി 300 പരം ആളുകളും ഉണ്ട്. മികച്ച അധ്യയന നിലവാരം പുലർത്തുന്ന ഇന്ത്യയിലെ തന്നെ പ്രശസ്ത വിദ്യാഭ്യാസ സ്ഥാപനമെന്ന ഖ്യാതി ചാവറ പബ്ളിക് സ്കൂളിനുണ്ട്.
എല്ലാ വർഷവും നൂറു ശതമാനം വിജയത്തോടൊപ്പം 100 കണക്കിന് വിദ്യാർഥികൾ മെഡിക്കൽ, എഞ്ചിനീയറിംഗ്പരീക്ഷകളിൽ ഉന്നത വിജയം കരസ്ഥമാക്കി മികച്ച ഉപരി പഠനത്തിനായി യോഗ്യത നേടുന്നുമുണ്ട്.
മത്സര പരീക്ഷകളിൽ കേരളത്തിലെ ആദ്യ 10 റാങ്കുകളിൽ മുൻ വർഷങ്ങളിലെപ്പോലെ ഈ വർഷവും ചാവറയിലെ കുട്ടികൾ ഉണ്ടായിരുന്നു. വിദ്യാഭ്യാസ മികവിന് നിരവധി പുരസ്ക്കാരങ്ങളും സ്കൂളിനെ തേടി എത്തിയിട്ടുണ്ട്.
20 തിയേറ്ററുകൾ ഒരുക്കി ഏറ്റവും മികച്ച ഓൺലൈൻ ക്ലാസുകൾ കോവിഡ് കാലത്തു നടത്താൻ സ്കൂളിന് സാധിച്ചു.
സ്മാർട്ട്‌ ക്ലാസുകൾ, 3ഡി തിയേറ്റർ, നിരവധി കമ്പ്യൂട്ടർ ലാബുകൾ,
സയൻസ് ലാബുകൾ, ഹോസ്റ്റൽ സൗകര്യങ്ങൾ, സ്കൂൾ കാന്റീൻ, സ്വിമ്മിംഗ് പൂൾ
ജിംനേഷ്യം, ടർഫ് ഉൾപ്പെടെയുള്ള സ്പോർട്സ് കോംപ്ലക്സ് എന്നിങ്ങനെ കുട്ടികളുടെ വളർച്ചയുടെ സമസ്ത മേഖലകളിലും സഹായിക്കാനുള്ള സംവിധാനങ്ങളും ചാവറ സ്കൂളിൽ ഒരുക്കിയിട്ടുണ്ട്.
വിവിധ മേഖലകളിൽ പാഠ്യേതര വിഷയങ്ങളിലും ചാവറ സ്കൂളിലെ വിദ്യാർത്ഥികൾ കഴിവ് തെളിയിച്ചിട്ടുണ്ട്. വിദ്യാർത്ഥികളുടെ സർവതോന്മുഖമായ പുരോഗതിയാണ് സ്കൂൾ ലക്ഷ്യമിടുന്നതെന്നു പ്രിൻസിപ്പൽ ഫാ സാബു കൂടപ്പാട് പറഞ്ഞു.
