news

പാലാ അൽഫോൻസിയൻ പാസ്റ്ററൽ ഇൻസ്റ്റിറ്റ്യൂട്ടിൽ 2018 ലെ സിവിൽ സർവ്വീസ് വിജയികളെ അനുമോദിക്കൽ

14 May , 2018   Video

പാലാ അൽഫോൻസിയൻ പാസ്റ്ററൽ ഇൻസ്റ്റിറ്റ്യൂട്ടിൽ 2018 ലെ സിവിൽ സർവ്വീസ് വിജയികളെ
അനുമോദിക്കൽ

news

മരവേരുകളിൽ നിന്ന് ജീവൻ തുടിക്കുന്ന ശില്പങ്ങൾ

20 Mar , 2018  

പാലാ: മരവേരുകളിൽ നിന്ന് ജീവൻ തുടിക്കുന്ന ശില്പങ്ങൾ നിർമ്മിച്ച് പാലാ ഇടപ്പാടി സ്വദേശിയായ ഗോപി എന്ന മരപ്പണിക്കാരൻ.നൂറിലേറെ പ്രതിമകൾ നിർമ്മിച്ചു.ലക്ഷ്യം സ്വന്തമായി ഒരു ആർട്ട് ഗാലറി. യേശുവിന്റെയും ശ്രീനാരായണ ഗുരുവിന്റെയും ദർശനങ്ങൾ ജീവിത പാഠം.ill ll ll lമഹത്വമുള്ള കാര്യങ്ങൾ ആരു ചെയ്താലും അവർ മരിച്ചാലും ജീവിക്കും എന്ന യേശുദേവന്റെ വചനങ്ങളും .അവനവനാത്മ സുഖത്തിനാചരിക്കുന്നവയപരന് ആത്മസുഖത്തിനായ് വരേണം എന്ന ശ്രീനാരായണ ഗുരുദേവന്റെ ദർശനങ്ങളും സ്വന്തം ജീവിതയാത്രയിൽപ്പെടുത്തി ജീവിക്കുകയാണ് പാലാ ഇടപ്പാടി വേങ്ങക്കുറ്റിയിൽ ഗോപി എന്ന മരപ്പണിക്കാരൻ. അൻപത്തിയേഴു വയസ്സ് പ്രായമുള്ള ഗോപി സ്വന്തമായി ആർട്ട് ഗാലറി തുടങ്ങുവാനായി കഴിഞ്ഞ 24 വർഷങ്ങളായി ഒഴിവു നേരങ്ങളിലെ ശില്പ നിർമ്മാണം ഒരു ജീവിതചര്യയാക്കി മാറ്റിയിരിക്കുകയാണ്.24 വർഷങ്ങൾക്ക് മുമ്പ് വടക്കൻ മലബാറിൽ മരപ്പണിക്കു പോകവെ ആമയുടെ രൂപത്തോടു സാദൃശ്യമുള്ള ഒരു വേരുകിട്ടി ആവേരിന് അല്പം മിനുക്കുപണികൾ ചെയ്തപ്പോൾ അത് ഭംഗിയുള്ള ഒരു ആമയായി മാറി. അന്ന് തുടങ്ങിയ വേരുശേഖരണവും ശില്പ നിർമ്മാണവും.ജോലിക്കായി എത്തുന്ന സ്ഥലങ്ങളിൽ നിന്നും വീട്ടുപരിസരങ്ങളിൽ നിന്നുമായി ഗോപി വേരുകൾ ശേഖരിക്കുന്നു. തേക്കിന്റെ വേരുകളാണ് ശില്പ നിർമ്മാണത്തിന് കൂടുതലും ഉപയോഗിക്കുന്നത്. പണി കഴിഞ്ഞെത്തിയാൽ ഗോപി വീടിനു മുകളിൽ നിർമ്മിച്ചിരിക്കുന്ന പണിപ്പുരയിൽ കയറും ചില ദിവസങ്ങളിൽ പുലർച്ചെ മൂന്നു മണി വരെ ശില്പ നിർമ്മാണം നടത്തും. ആദ്യമായി നിർമ്മിച്ച ആമ മുതൽ ഈ ഭൂലോകത്തെ സകല വസ്തുക്കളും ഗോപി ശില്പമാക്കിയിട്ടു പക്ഷികളും മൃഗങ്ങളും എല്ലാം അടങ്ങിയ ഒരു വടവൃക്ഷമാണ് ഗോപിയുടെ ശില്പങ്ങളിലെ ഏറ്റവും ആകർഷീയത: സ്വന്തമായി ഒരു ആർട്ട് ഗാലറി തുടങ്ങി അതിൽ നിന്നും കിട്ടുന്ന വരുമാനം ചാരിറ്റിക്കു വേണ്ടി വിനിയോഗിക്കുവാനാണ് ഗോപിയുടെ ആഗ്രഹം. ഒന്നു രണ്ട് പ്രദർശനങ്ങൾക്ക് പലരും വിളിച്ച് പോയെങ്കിലും താൻ ജീവനുതുല്യം സൂക്ഷിച്ച പല പ്രധാന ശില്പങ്ങളും നഷ്ടപ്പെട്ടതോടെ ആ യാത്രയും ഉപക്ഷിച്ചു. ഇനി ഗോപിയുടെ ലക്ഷ്യം സ്വന്തമായി ഒരു ആർട്ട് ഗാലറി ഏതെങ്കിലും നഗര ഹൃദയത്തിൽ ഒരു ശില്പ പ്രദർശനവുമാണ് ഗോപിയുടെ ഈ ഉദ്യമത്തിന് എല്ലാ പിന്തുണയുമായി ഭാര്യ ജലജയും മകൻ അരുണും മകള്‍ അഖിലയും
ഒപ്പമുണ്ട്.

 

news

പോലീസിന്റെ ഏകപക്ഷീയമായ നടപടികളിൽ പ്രതിഷേധിച്ച് ബി.ജെ.പി.യുടെ മാർച്ച്

15 Mar , 2018  

പാലാ:രാഷ്ട്രീയ സംഘർഷങ്ങളിൽ പാലാ പോലീസിന്റെ ഏകപക്ഷീയമായ നടപടികളിൽ പ്രതിഷേധിച്ച് ബി.ജെ.പി.യുടെ
നേതൃത്വത്തിൽ മാർച്ച് 16ന് 4 pm ന് പാലാ Dysp ഓഫീസിലേക്ക് മാർച്ച് സംഘടിപ്പിക്കുമെന്ന് ബി.ജെ.പി.ജില്ലാ പ്രസിഡന്റ് എൻ.ഹരി വാർത്ത സമ്മേളന
ത്തിൽ അറിയിച്ചു. പാലാ മേഖലയിൽ അടുത്ത കാലങ്ങളിലുണ്ടായ രാഷ്ട്രീയ സംഘർഷങ്ങളിൽ സംഘപരിവാർ സംഘടനകളിൽപ്പെട്ടവരെ മാത്രം പ്രതികളാക്കുന്ന പോലീസ് നടപടിയ്ക്കെതിരെയാണ് മാർച്ച്.പാലാ പോലീസിന്റെ എഫ്.ഐ.ആറിൽ കോടതി വരെ സംശയം പ്രകടിപ്പിച്ചിട്ടുണ്ട്.സംഘർഷങ്ങളിൽ ഒരു ഭാഗത്തുള്ള സി.പി.ഐ.എം.പ്രവർത്തകർക്കെതിരെ ദുർബലമായ വകുപ്പുകൾ മാത്രമാണ് ചേർക്കുന്നത്. അറസ്റ്റിലായ 5 ബി.ജെ.പി.പ്രവർത്തകരിൽ 4 പേർ ഇപ്പോഴും ജയിലിലാണ്. എല്ലാവർക്കും തുല്യ നീതി കിട്ടണം എന്നാവശ്യപ്പെട്ടാണ് മാർച്ചെന്നും എൻ.ഹരി പറഞ്ഞു. വാർത്ത സമ്മേള ന ത്തിൽ ആർ.എസ്.എസ്.കോട്ടയം ജില്ലാ കാര്യവാഹ് ജി.സജീവ്, ബി.ജെ.പി.നിയോജക മണ്ഡലം പ്രസിഡന്റ് സോമശേഖരൻ തച്ചേട്ട്, ബി.എം.എസ്.മേഖല സെക്രട്ടറി അശോക് കുമാർ എന്നിവർ പങ്കെടുത്തു.

news

പാലായിൽ കള്ളനോട്ട്. കിട്ടിയത് എ.ടി.എം . ക്യാഷ് ഡിപ്പോസിറ്റ് മെഷീനിൽ

15 Mar , 2018  

പാലായിൽ കള്ളനോട്ട്. കിട്ടിയത് എ.ടി.എം . ക്യാഷ് ഡിപ്പോസിറ്റ് മെഷീനിൽ: ഫെഡറൽ ബാങ്കിന്റെ ടൗൺ മെയിൻ ശാഖയിലെ എ.ടി.എം.ൽ നിന്നു മാണ് പണം കിട്ടിയത് 2000 രൂപയുടെ അഞ്ചു നോട്ടുകളാണ് ലഭിച്ചത്.ബാങ്ക് അധികൃതർ പാലാ പോലീസിൽ അറിയിച്ചതിനെത്തുടർന്ന്
പോലീസ്‌ സ്ഥലത്തെത്തി
അന്വേഷണം ആരംഭിച്ചു. പണം നിക്ഷേപിച്ച ആളിന്റെ അക്കൗണ്ട് നമ്പരും സി.സി.ടി.വി.ദൃശ്യങ്ങളും
പോലീസ് കണ്ടെത്തിയതായിട്ടാണ് സൂചന. പാലാ നഗരത്തിൽ താമസിക്കുന്ന യുവാവിന്റെ സ്ഥാപനം ,വീട് എന്നിവിടങ്ങളിൽ പോലീസ് പരിശോധന നടത്തി.

news

നിറം മങ്ങിയ ദേശീയപതാക മാറാൻ പാലാ നഗരസഭയ്ക്ക് പണമില്ല?

10 Feb , 2018  

നഗരസഭാ സ്റ്റേഡിയം വാടക കുറച്ചു കൊടുത്തിട്ടു പരിപാലിക്കാൻ പണം ഉണ്ട്;

നിറം മങ്ങിയ ദേശീയപതാക മാറാൻ
പാലാ നഗരസഭയ്ക്ക് പണമില്ല?

പാലാ: നഗരസഭയുടെ കവാടത്തുങ്കൽ സ്ഥാപിച്ചിട്ടുള്ള ദേശീയപതാകയാണ് ചിത്രത്തിൽ കാണിച്ചിട്ടുള്ളത്. പാലായിൽ ദേശീയപതാക എല്ലാ ദിവസവും ഉയർത്താൻ അനുമതിയുള്ള ഏക സർക്കാർ സ്ഥാപനമാണ് പാലാ നഗരസഭ.

കേടുപാടുകൾ വന്നതും നിറം മങ്ങിയതുമായ ദേശീയപതാക ഉയർത്തരുതെന്നാണ് ചട്ടം ( ഫ്ലാഗ് കോഡ് ഓഫ് ഇന്ത്യ 2002). എന്നാൽ പാലാ നഗരസഭ ഏതാനും നാളുകളായി സ്ഥിരമായി നിറം മങ്ങിയ ഈ ദേശീയപതാക യാണ് ഉയർത്തി വരുന്നത്. ഇത് നിയമ വിരുദ്ധവും ദേശീയപതാകയോടുള്ള കടുത്ത അവഹേളനവുമാണ്.

ഒരു ദേശീയപതാക വാങ്ങിക്കാൻ കഴിയാത്ത വിധം സാമ്പത്തിക പ്രതിസന്ധിയിലാണോ പാലാ നഗരസഭ?

മാസംതോറും പതിനായിരക്കണക്കിനു രൂപ പരിപാലന ചെലവുള്ള ചെറിയാൻ ജെ.കാപ്പൻ സ്മാരക മുനിസിപ്പൽ സ്റ്റേഡിയം കുറഞ്ഞ തുകയ്ക്ക് വാടകയ്ക്കു കൊടുക്കുന്ന നഗരസഭയാണ് ദേശീയ പതാകയോടുള്ള ഈ കടുത്ത അവഹേളനം തുടരുന്നത്.

നമ്മുടെ ദേശാഭിമാനത്തിന്റെ, ആത്മാഭിമാനത്തിന്റെ പ്രതീകമാണ് ദേശീയപതാക. അത് അവഹേളിക്കപ്പെടാൻ ഇടവരുത്തരുത്.

എബി ജെ.ജോസ്
ചെയർമാൻ
മഹാത്മാഗാന്ധി നാഷണൽ ഫൗണ്ടേഷൻ
പാലാ – 686575

news

ശബരി റെയില്‍പ്പാത സര്‍വ്വേ നടപടികള്‍ പുരോഗമിക്കുന്നു.

9 Feb , 2018  


പാലാ: ശബരി റെയില്‍പ്പാതയുടെ സര്‍വ്വേ നടപടികള്‍ പുരോഗമിക്കുന്നു. ജനരോഷത്തെ തുടര്‍ന്ന് രണ്ട് തവണ നിര്‍ത്തിവെച്ച നടപടികളാണ് പുനരാരംഭിച്ചത്. അന്തീനാട് ഭാഗത്ത് പോലീസ് സംരക്ഷണത്തോടെയായിരുന്നു സര്‍വ്വേ നടപടികള്‍

news

കെയര്‍ ഹോംസ് വാര്‍ഷികവും അവാര്‍ഡ് സമര്‍പ്പണവും

9 Feb , 2018  

പാലാ: കെയര്‍ ഹോംസ് പാലാ രൂപതയുടെ വാര്‍ഷികസമ്മേളനവും അവാര്‍ഡ് സമര്‍പ്പണവും 13ന് രാവിലെ 9.15ന് സെന്റ് തോമസ് ഹൈസ്‌കൂള്‍ ഓഡിറ്റോറിയത്തില്‍ വച്ച് നടക്കുമെന്ന് ഭാരവാഹികള്‍ വാര്‍ത്താസമ്മേത്തില്‍ അറിയിച്ചു. പൊതുസമ്മേളനത്തില്‍ മോണ്‍.ജോസഫ് മലേപ്പറമ്പില്‍ അധ്യക്ഷത വഹിക്കും. മാര്‍ ജോക്കബ് മുരിക്കന്‍ പൊതുസമ്മേളനം ഉദ്ഘാടനം ചെയ്യും. മികച്ച പ്രവര്‍ത്തനം നടത്തിയ ജീവകാരുണ്യ ശുശ്രൂഷാ സ്ഥാപനങ്ങള്‍ക്ക് മാര്‍ ജോസഫ് കല്ലറങ്ങാട്ട് അവാര്‍ഡുകള്‍ സമ്മാനിക്കും. സമാപനസമ്മേളനത്തിന്റ ഉദ്ഘാടനം കെ.എം.മാണി എംഎല്‍എ നിര്‍വ്വഹിക്കും. വാര്‍ത്താസമ്മേളനത്തില്‍ ഫാ.സ്‌കറിയ വേകത്താനത്ത്, സിബി ചെരുവില്‍പുരയിടം, ജോര്‍ജ് തോട്ടനാനി, ജോര്‍ജ് സന്മനസ്, സിസ്റ്റര്‍ വനജ ചുവപ്പുങ്കല്‍, സിസ്റ്റര്‍ റീബാ വേത്താനത്ത്, സിസ്റ്റര്‍ നിര്‍മ്മല്‍ കവിയില്‍കളപ്പുര തുടങ്ങിയവര്‍ പങ്കെടുത്തു.

news

ചക്ക വിഭവങ്ങളുമായി ചക്ക മഹോത്സവം

9 Feb , 2018  


പാലാ: ടൗണ്‍ഹാളില്‍ ചക്ക മഹോത്സവത്തിനു തുടക്കമായി. 200 ലേറെ ചക്ക വിഭവങ്ങള്‍ മേളയില്‍ ലഭ്യമാണ്. കാര്‍ഷിക നിത്യോപയോഗ സ്റ്റാളുകളും മേളയിലുണ്ട്. അഗ്രിക്കള്‍ച്ചറല്‍ സൊസൈറ്റി, വൈസ്‌മെന്‍സ് ക്ലബ്, കൊടുമ്പിടി വിസിബ്, അല്‍ഫോന്‍സാ കോളേജ് ഇക്കണോമിക്‌സ് വിഭാഗം എന്നിവയുടെ നേതൃത്വത്തിലാണ് ചക്ക മഹോത്സവം സംഘടിപ്പിച്ചിരിക്കുന്നത്. മേളയുടെ ഉദ്ഘാടനം കെ.എം.മാണി എംഎല്‍.എ. നിര്‍വ്വഹിച്ചു. ചാര്‍ളി കെ. മാണി അധ്യക്ഷത വഹിച്ചു. മാര്‍ജോസഫ് പള്ളിക്കാപ്പറമ്പില്‍, നഗരസഭാധ്യക്ഷ പ്രൊഫ. സെലിന്‍ റോയി, ഉപാധ്യക്ഷന്‍ കുര്യാക്കോസ് പടവന്‍, ലീനാ സണ്ണി, തങ്കച്ചന്‍ വിസിബ് എന്നിവര്‍ പ്രസംഗിച്ചു.

news

പുലിയന്നൂര്‍ ഉത്സവത്തിന് കൊടിയേറി

8 Feb , 2018  


പാലാ: പുലിയന്നൂര്‍ മഹാദേവക്ഷേത്രത്തിലെ ഉത്സവത്തിന് കൊടിയേറി. തന്ത്രി മനയത്താറ്റില്ലം അനില്‍ ദിവാകരന്‍ നമ്പൂതിരിയുടെയും മുണ്ടക്കൊടി ഇല്ലം എം.വിഷ്ണുനമ്പൂതിരിയുടെയും മുഖ്യകാര്‍മ്മികത്വത്തിലായിരുന്നു ചടങ്ങുകള്‍. വ്യാഴാഴ്ച മുതല്‍ പന്ത്രണ്ടാം തീയതി വരെ എല്ലാ ദിവസവും രാവിലെ 8.30ന് ശ്രീബലി എഴുന്നള്ളിപ്പ്, 10ന് ഉത്സവബലി, 12.30ന് ഉത്സവബലി ദര്‍ശനം. വ്യാഴാഴ്ച രാത്രി 8.30ന് കഥകളി, 11ന് രാവിലെ 12.15ന് ഓട്ടന്‍തുള്ളല്‍, വൈകിട്ട് 7.30ന് ഇന്‍സ്ട്രമെന്റേഷന്‍ ഫ്യൂഷന്‍. 12ന് വൈകിട്ട് 6ന് സമൂഹപ്പറ എഴുന്നള്ളിപ്പ്.
ഓന്‍പത് മണിക്ക് കടപ്പാട്ടൂര്‍ മഹാദേവക്ഷേത്രത്തില്‍ നിന്ന് കാവടിഘോഷയാത്ര, വൈകിട്ട് 5ന് കാഴ്ചശ്രീബലി, രാത്രി സിവരാത്രി പൂജ, പള്ളിവേട്ട എഴുന്നള്ളിപ്പ്. 14ന് രാവിലെ 9ന് കാണിയക്കാട് കൊട്ടാരത്തിലേക്ക് ഊരുവലം എഴുന്നള്ളത്ത്. വൈകിട്ട് 5ന് ആറാട്ടുകടവിലേക്ക് എഴുന്നള്ളത്ത്, കുടമാറ്റം, എഴുന്നള്ളത്തിന് ഏഴ് ആനകള്‍ അണിനിരക്കും. രാത്രി 8.30ന് സംഗീതസദസ്സ്.

news

പാലാ ഫയർ സ്റ്റേഷൻ ഗുരുതരാവസ്ഥയിൽ.

7 Feb , 2018  

പാലാ: മൊബൈൽ ടാങ്ക് യൂണിറ്റുകൾ മൂന്ന് പ്രവർത്തിക്കുന്നത് ഒന്ന് ഫോൺ പ്രവർത്തിക്കുന്നുമില്ല പാലാ ഫയർ സ്റ്റേഷൻ ഗുരുതരാവസ്ഥയിൽ. മീനച്ചിൽ താലൂക്കിലെ ആദ്യ ഫയർ സ്റ്റേഷനായിരുന്നു പാലാ ഫയർ സ്റ്റേഷൻ മീനച്ചിൽ താലൂക്കിൽ മാത്രമല്ല അടുത്തുള്ള വൈക്കം, കാഞ്ഞിരപ്പള്ളി താലൂക്കുകളിലും അത്യാവശ്യ ഘട്ടങ്ങളിൽ എത്തിക്കൊണ്ടിരുന്നത് പാലാ ഫയർ സ്റ്റേഷനിൽ നിന്നായിരുന്നു. ഇന്ന് ഒരു ഫയർ സ്റ്റേഷൻ എത്രയും ഗതികേടിലാവുമോ ആ അവസ്ഥയിലാണ് പാലാ ഫയർ സ്റ്റേഷൻ .ടാങ്കുള്ള മൂന്ന് വാഹനങ്ങൾ സ്വന്തമായി ഉണ്ടെങ്കിലും പ്രവർത്തിക്കുന്നത് ഒരെണ്ണം മാത്രം. ഒരു ഫയർ സ്റ്റേഷനിൽ വേണ്ട അവശ്യ സാധനങ്ങളിൽ ഒന്നാണ് ടെലിഫോൺ എന്നാൽ പാലാ ഫയർ സ്റ്റേഷനിൽ ഈ ഉപകരണം പ്രവർത്തിക്കുന്നുമില്ല. ആരെങ്കിലും പറഞ്ഞു കേട്ടറിഞ്ഞു പ്രവർത്തിക്കുന്ന പാലാ ഫയർ സ്റ്റേഷൻ ഇന്ന് ഒരു ചോദ്യചിഹ്നമായി നില്ക്കുകയാണ് ഇനിയെന്ത് എന്നറിയാതെ.