news

പുരുഷന്മാർ താലം തുളളി സർവ്വൈശ്വര്യത്തിനായി.

20 Mar , 2019  

പാലാ: കോട്ടയം – ഇടുക്കി ജില്ലയുടെ അതിർത്തിയായ കുറിഞ്ഞി എന്ന ഗ്രാമത്തിലാണ് കുറിഞ്ഞി ക്കാവ് വനദുർഗ്ഗാ ഭഗവതീ
ക്ഷേത്രം സ്ഥിതി ചെയ്യുന്നത്. ഇവിടുത്തെ നൂറ്റാണ്ടുകൾ പിന്നിട്ട ആചാരമായിരുന്നു പുരുഷന്മാർ പുരുഷ വേഷത്തിൽത്തനെ താലമെടുത്ത് പിന്നീട് പ്രത്യേക താളത്തിൽ ചുവടുവച്ച് തുള്ളുന്നത്. ഇതിന്റെ പിന്നിൽ
പരമശിവനും പാർവ്വതി ദേവിയുമായി ബന്ധപ്പെട്ട ഒരു ഐതീഹ്യവുമുണ്ട്. പണ്ട് അസുരന്മാർ സ്ത്രീകളെ ആക്രമിച്ചപ്പോൾ ഭയചകിതരായ അവർ പാർവ്വതിദേവിയെ പ്രാർത്ഥിച്ചു.ദേവി ഉടൻ തന്നെ ഐലക്ഷി രൂപത്തിൽ പ്രത്യക്ഷപ്പെടുകയും അസുന്മാരെ നിഗ്രഹിക്കുകയും ചെയ്തു.കോപമടങ്ങാത്ത ദേവി കണ്ണിൽ കണ്ട പുരുഷന്മാരെയെല്ലാം ആക്രമിക്കാൻ തുടങ്ങി പുരുഷന്മാർ പരമശിവനെ വിളിച്ച് പ്രാർത്ഥിച്ചു.ഉടൻ തന്നെ ശിവൻ അന്തിമഹാളന്റെ രൂപം പൂണ്ടു. രൗദ്രയായി നിന്ന ദേവി ശിവന്റെ കൈയും കാലും വെട്ടി. തന്റെ പതിയേയാണ് താൻ വെട്ടിയത് എന്നുമനസ്സിലാക്കിയ ദേവി വെട്ടിയ പാദം നിലത്തു വീഴാതെ ഇടതു കൈയാൽ പിടിച്ചു.( ഇവിടെ കളമെഴുതുന്നത് ഐലക്ഷി ഇടതു കൈയിൽ വെട്ടിയ കാൽപാദവും വലതുകൈയിൽ വാളുമായി നില്ക്കുന്ന രൂപമാണ്) വെട്ടേറ്റ അന്തിമഹാളൻ ഒറ്റക്കാലിൽ പ്രത്യേക താളത്തിൽ മൂന്നു തവണഇരുവശത്തേക്കും ചുവടുവച്ചു, ഇതോടെ പാർവ്വതി ദേവിയുടെ കോപം അടങ്ങി. ഉഗ്രരൂപിണിയായ ദേവിയുടെ കോപമടക്കുവാനായി ഒറ്റക്കാലിൽ താണ്ഡവം നടത്തിയ ശിവന്റെ പ്രീതിയ്ക്കായി ഭക്തർ നോമ്പ്നോറ്റ് താലം എടുക്കുകയും പ്രത്യേക താളത്തിലുള്ള ചെണ്ടമേളത്തിനനുസരിച്ച് ചുവട്വയ്ക്കുകയും ചെയ്യുന്നു.ഇത് മൂലം സർവ്വൈശ്വര്യങ്ങളുമുണ്ടാവുമെന്നാണ്പറയുന്നത്.ആദ്യകാലത്ത് കേവലം 12 പേരിൽ തുടങ്ങിയ ഈ ആചാരം ഇന്ന് ദേശാന്തരങ്ങൾ കടന്നിരിക്കുന്നു. നിരവധിയാളുകളാണ് അന്നേ ദിവസം നോമ്പ് നോറ്റ് താലം എടുക്കുന്നതിനായി ഇവിടെയെത്തുന്നതെന്ന് ക്ഷേത്രത്തിന്റെ മുഖ്യ കാര്യദർശി രമേശ് കെ.ആർ.പറയുന്നു രണ്ടരയേക്കറോളം വരുന്ന കുറിഞ്ഞിക്കാവ് നമ്മുടെ ക്ഷേത്രങ്ങളെ സംബന്ധിച്ച ചരിത്രത്തിലെ അപൂർവ്വങ്ങളിൽ അപൂർവ്വമായി മാത്രമുള്ള
ഒരു ആരാധനാലയമാണ്. ക്ഷേത്രത്തിലേക്കുള്ള വഴി കോട്ടയം – പാലാ- തൊടുപുഴ -റോഡിൽ കുറിഞ്ഞി ജംഗഷൻ.
അന്വേഷണങ്ങൾക്ക്
Ph: 984646O978.