news

റിവര്‍വ്യൂ റോഡ് കൊട്ടാരമറ്റത്തേക്ക് നിര്‍മ്മാണോദ്ഘാടനം

8 Jun , 2018  

പാലാ: റിവര്‍വ്യൂറോഡ് കൊട്ടാരമറ്റത്തേക്കു നീട്ടുന്നതിന്റെ നിര്‍മ്മാണോദ്ഘാടനം വെള്ളിയാഴ്ച വൈകുന്നേരം 5.30ന് ജനറല്‍ ആശുപത്രിജംഗ്ഷനിലെ നഗരസഭാ പാര്‍ക്ക് ഓപ്പണ്‍ സ്റ്റേജില്‍ നടത്തും. മന്ത്രി ജി. സുധാകരന്‍ നിര്‍മ്മാണോദ്ഘാടനം നിര്‍വ്വഹിക്കും. എം.പി മാരായ ജോസ് കെ.മാണി, ജോയി എബ്രാഹം നഗരസഭാധ്യക്ഷ പ്രൊഫ. സെലിന്‍ റോയി തുടങ്ങിയവര്‍ പങ്കെടുക്കും. ജനറല്‍ ആശുപത്രി ജംഗ്ഷനില്‍ നിന്നും മീനച്ചിലാറിന്റെ തീരം വഴി കൊട്ടാരമറ്റത്തേക്ക് റോഡ് നീട്ടുന്ന പദ്ധതിയുടെ ചെലവ് 47.5 കോടി രൂപയാണ്. നിര്‍മ്മാണം പൂര്‍ത്തിയാകുന്നതോട് കേരളത്തിലെ ഏറ്റവും നീളം കൂടിയ റിവര്‍വ്യൂ റോഡ് പാലായ്ക്കു സ്വന്തമാകും. പദ്ധതിയുടെ ഭാഗമായി ഒരു കിലോമീറ്ററോളം നീളത്തില്‍മീനച്ചിലാറിന്റെ തീരത്തുകൂടി 150 തൂണുകളിലായി പാലം നിര്‍മ്മിക്കും.